'n Storie wat ek nouie dag hoor... Een jaar net na oes tyd in die oos Vrystaat is daar ‘n klomp boer vrinne wat Vrydae saans saam kuier. Die gewoonte is dan om paar happe te maak en tot laat saam kaart te speel. Party aande te laat. Een het toe aan ‘n plan gedink om die ouens bietjie op die verloop van tyd te laat fokus sonder om die ontspanning ook te gejaagd te laat voel.
Toe die Vrydag van Dries se beurt opdaag besluit hy hy wil die poker bietjie interresanter ook maak en verduidelik na die tweede of wat hap net voor die spel begin dat dit nou by sy huis so werk:
Die speler wie die laaste rondte geskommel het moet met die haelroer op die koekkoek klok teen die eetkamer muur mik en ‘n droe skoot aftrek op die voeltjie. As hy te laat is en die voeltjie word “gemis” moet die skieter ‘n straf dop vat.
Om te demonstreer haal Dries die rondtes uit die roer en sit hulle eenkant op die sideboard, knak die hane en wag vir die 6 uur sein. Die koekoek klok tjirtjirtjirtjirrrrr, die deurtjies gaan oop en die voeltjie begin sy koekoekery. Dries druk die snellers en “tek-tek” klap die hane droog neer. So ja so skiet ‘n man mos ‘n koekoek.
Die manne verstaan en meen dis ‘n goeie plan, dan oefen hulle sommer skiet reflekse en sneller druk ook so saam met die kuier en poker spelery.
Soos die aand vorder val die kruike en die kaartspel en skietery raak al meer gewaagd en geoefen. Teen 10 uur is die ouens al so geoefen dat die man wie “aan” is weet daar is baie tyd en wag die koekoeke uit tot die draai van 10de een voor die hane val. Almal kan goed skiet en straf doppe is maar min, met die gevolg dat almal sommer saam vat.
Die spelery raak intens en toe die ouens weer kyk is dit na 12 en al weer Dries se beurt. Dries het behoefte van die natuur wat roep ontwikkel en verskoon hom ‘n wyle van die tafel en dis met die dat die ander besluit hiers nou kaans om ou Dries ‘n lekker poets te bak, en hulle laai die twee patrone wat eenkant op die sideboard staan.
Dries kom sit weer en die manne speel voort. Die Koekoek begin tjirtjirrrr en Dries het met die gedraailopery en als half vergeet hy is “aan”. Toe hy wakker skrik het die Koek ge Koek en sy koppie weer veilig agter die deurtjie getrek… Wat toe gebeur het kan mens half verwag.
Dries gryp na die roer nes die Koekoek sy laaste koek gee en spring orent dat sy stoel agter oor val. Die klomp manne fokus eers baie intens om die sien hoe die koekoek klok uitmekaar gaan spat en toe dié nie gebeur nie fokus almal skielik baie intens op Dries om te sien wat hy nou gaan maak. Die volgende oomblik praat Dries half hard, “Bliksem man, ek skiet sommer op een van julle donners!” en hy swaai die loop in die rigting van die tafel.
Soos een man slaan die groep spelers die vloer en begin seil verwoed na ‘n uitkom plek, Dries nog heel onbewus van die oorsaak en baie lus vir sneller druk skiet toe sy pakkie kaarte, eetkamer tafel, sewe brandewyn glase en die hele pokergame in sy dinges.
