Wat dan van vra?

Vrede oor vra
Ek het vrede oor vra, ja, vrede oor vra
Weg is wanhoop, weg is skuld, weg is skaam
Al wat oor is, dié leemte wat vra kan volmaak
Vra is nou meer as bloot net ‘n versoek
Dis die begin van volword, heelword, gesondword, eenword…

Miskien mag kwaad en wantrou weer probeer,
maar dan mag ek ook aanhou vra!
Met smeek, en soebat, en leegmaak van my siel
soms met vreugde, soms met pyn, soms met hartseer
En steeds sal ek aanhou vra

Altyd met vrede, diep hier binne my ‘n rustigheid, want
Ek het vrede, ja, vrede oor vra