Vol week

Ek wou die staaltjie van die vorige pos apart vertel. Dit het regtig gebeur, ek het net so woord of twee bygesit... Dit het my weereens die noodsaaklikheid van humor laat besef. Die afgelope week was vol kuier. Eers my skoon ouers, toe my ma, toe my broer en sy vrou. Ons het omtrent lekker gesels. En tussenin nog die braai saam met die plaas se mense. Wat 'n fees was dit nie, heerlik! Die weer was ook genadig en dit was 'n kortmou aand. En dan nog die groot genade van die lekker reen daar by die huis op die plaas. Hier plant die manne aartapples en mielies en die koring staan blougroen teen die bruin agtergrond afgeets.