Storie lees en vlieende tyd

Die lewe word baie vergemaklik met humor saam. Marlene loop nou die dag die storieboek van die sagmoedige reus raak. Die boek hou vir haar spesiaale herinnering in en sy koop dit toe. Later die middag is die plaas kinders hier om te groet en groot was my verbasing toe hulle stil sit en luister na die eerste 30 bladsye van Sophie en die sagmoedige reus!

Die afgelope twee weke was soos onbeplande vakansie en ons het omtrent lekker gekuier saam met al die besoekers en mense van die omgewing. My broer Johan het hier oor geslaap en saam kon ons 'n heerlike braai hier voor die huisie maak! Daar het sommer 'n hele klomp lekker dinge gebeur. Ek het na Jan se tweede besoek tot biltong gesny. Dit voel amper of ek self gejag het! Jan baie dankie, jul besoeke is iets om te onthou.

Donderdag die 25ste was D-dag (dokter dag) en sy het al die nodige bloed getrek, drukke gedruk, aaarg geluister, ore gekyk en sommer gesels. Marlene en Johann het saam gegaan en kon als volg.

Woensdag het ons saam met Marlene se ouers, broer en skoonsuster gekuier, wat 'n veesmaal was dit nie! Hulle het die mooiste rooikop seuntjie met sulke helder blou ogies en 'n wakker manier van doen. So het die laaste week ook verby gevlieg en my weer bewus gemaak van hoe belangrik elke oomblik van "nou" is. Dis al tyd wat ons het om 'n verskil te maak. Gister is verby en oor more, is niemand seker nie...